Të paktën 11 persona kanë vdekur dhe më shumë se 30 janë plagosur pas një rrëmuje të mërkurën, ndërsa turma u përpoq të hynte në një stadium kriketi në shtetin Karnataka të Indisë jugore, thanë autoritetet.

Ngjarja ndodhi ndërsa dhjetëra mijëra tifozë kriketi u mblodhën jashtë stadiumit M. Chinnaswamy në qytetin Bengaluru për të festuar fituesit e Premier League Indian, turneut më të popullarizuar të kriketit T20 në botë, raporton AP.

Kryeministri i shtetit Karnataka, Siddaramaiah, tha se turma u përpoq të thyente një nga portat e stadiumit dhe të hynte për të marrë pjesë në festime.

“Në një kohë festimi, kjo ngjarje e pafat nuk duhej të kishte ndodhur. Jemi të trishtuar nga kjo,” u tha ai gazetarëve.

“Askush nuk e priste këtë turmë,” shtoi ai.

Tifozët e kriketit kishin dalë për të festuar fitoren e parë të titullit të Premier League Indian nga skuadra Royal Challengers Bengaluru të martën. Ekipi kishte shpërndarë bileta falas për tifozët për këtë ngjarje përmes faqes së saj të internetit dhe i kishte nxitur ata të ndiqnin udhëzimet e përcaktuara nga policia dhe autoritetet./rtk